Таңдалған қалталардан орындалатын файлдарды қамтитын бағдарламалар санатын құру

Таңдалған қалталардың орындалатын файлдарын, ұйымыңызда іске қосуға рұқсат бергіңіз немесе тыйым салғыңыз келетін орындалатын файлдардың эталондық жиынтығы ретінде пайдалануға болады. Таңдалған қалталардағы орындалатын файлдардың негізінде, сіз бағдарламалар санатын құра аласыз және оны Бағдарламаны басқару құрамдасын конфигурациялау үшін пайдалана аласыз.

Таңдалған қалталардан орындалатын файлдарды қамтитын бағдарламалар санатын құру үшін:

Бағдарламаның негізгі терезесінде Операциялар → Үшінші тарап бағдарламалары → Бағдарлама санаттары бөліміне өтіңіз.
Бағдарлама санаттары тізімі бар бет ашылады.
Қосу түймесін басыңыз.
Жаңа санат шебері іске қосылады. Шебердің жұмысын жалғастыру үшін Келесі түймесін басыңыз.
Шебердің Санатты жасау әдісін таңдау бетінде санат атауын көрсетіп, Белгілі бір қалтадағы орындалатын файлдарды қамтитын санат. Көрсетілген қалтаға көшірілген бағдарламалардың орындалатын файлдары автоматты түрде өңделеді және олардың метрикалық көрсеткіштері санатқа қосылады параметрін таңдаңыз.
Орындалатын файлдары бағдарламалар санатын құру үшін пайдаланылатын қалтаны көрсетіңіз.
Келесі параметрлерді конфигурациялаңыз:
- Санатқа динамикалық түрде қосылатын кітапханаларды (DLL) қосу
  
  Бағдарламалар санатына динамикалық түрде қосылатын кітапханалар (DLL пішіміндегі файлдар) қосылады және Бағдарламаны басқару құрамдасы жүйеде іске қосылған осындай кітапханалардың әрекеттерін тіркейді. DLL пішіміндегі файлдарды санатқа қосу кезінде Kaspersky Security Center жұмысының өнімділігі төмендеуі мүмкін.
  
  Әдепкі бойынша, жалауша алынып тасталған.
- Санатқа скрипт туралы деректерді қосу
  
  Бағдарлама санатына скрипт туралы деректер қосылады және скрипттер Веб-қауіптен қорғаныс құрамдасы тарапынан бұғатталмайды. Скрипт туралы деректерді санатқа қосу кезінде Kaspersky Security Center жұмысының өнімділігі төмендеуі мүмкін.
  
  Әдепкі бойынша, жалауша алынып тасталған.
- Хэш функциясын есептеу алгоритмі: Осы санаттағы файлдар үшін SHA-256 мәнін есептеу (Kaspersky Endpoint Security 10 Service Pack 2 for Windows және одан кейінгі нұсқаларымен қолдау көрсетіледі) /Осы санаттағы файлдар үшін MD5 есептеу (Kaspersky Endpoint Security 10 Service Pack 2 for Windows нұсқасынан бұрынғы нұсқалармен қолдау көрсетіледі)
  Желіңіздегі құрылғыларға орнатылған қауіпсіздік бағдарламасы нұсқасына байланысты, санат файлдары үшін хеш функциясын Kaspersky Security Center бағдарламасы тарапынан есептеп шығару алгоритмін таңдау керек. Есептеп шығарылған хеш функциялары туралы ақпарат Басқару серверінің дерекқорында сақталады. Хеш функцияларын сақтау арқасында дерекқордың өлшемі шамалы ұлғаяды.
  
  SHA-256 – алгоритмінде осалдық табылмаған криптографиялық хеш функциясы және ол қазіргі уақытта ең сенімді криптографиялық функция болып саналады. Kaspersky Endpoint Security 10 Service Pack 2 for Windows және одан жоғары нұсқасы SHA-256 хеш функциясын есептеп шығаруды қолдайды. MD5 хеш функциясын есептеп шығаруға Kaspersky Endpoint Security 10 Service Pack 2 for Windows нұсқасынан төмен нұсқалар үшін қолдау көрсетіледі.
  
  Санат файлдары үшін Kaspersky Security Center бағдарламасы тарапынан хеш функциясын есептеп шығару нұсқаларының бірін таңдаңыз:
  - Желіңізде орнатылған қауіпсіздік бағдарламаларының барлық даналары Kaspersky Endpoint Security 10 Service Pack 2 for Windows және одан жоғары нұсқасы болса, онда SHA-256 жалаушасын қойыңыз. Kaspersky Endpoint Security 10 Service Pack 2 for Windows нұсқасынан төмен бағдарлама нұсқалары үшін, орындалатын файлдың SHA-256 өлшемшарты бойынша жасалған санатты қосу ұсынылмайды. Бұл қауіпсіздік бағдарламаның істен шығуына әкелуі мүмкін. Бұл жағдайда, санат файлдары үшін MD5 криптографиялық хеш функциясын қолдана аласыз.
  - Сіздің желіңізде Kaspersky Endpoint Security 10 Service Pack 2 for Windows бағдарламасының ең ерте нұсқалары орнатылған болса, MD5 хэші тармағын таңдаңыз. Kaspersky Endpoint Security 10 Service Pack 2 for Windows және одан жоғары нұсқалары үшін орындалатын файлдың MD5 бақылау сомасының өлшемшарты бойынша жасалған санатты қосуға болмайды. Бұл жағдайда, санат файлдары үшін SHA-256 криптографиялық хеш функциясын қолдана аласыз.
  Желіңіздегі әртүрлі құрылғылар Kaspersky Endpoint Security 10 бағдарламасының ең ерте нұсқаларын да, ең кейінгі нұсқаларын да қолданса, онда SHA-256 жалаушасы мен MD5 хэші жалаушасын қойыңыз.
  
  Әдепкі бойынша, Санаттағы файлдар үшін SHA-256 есептеп шығару (Kaspersky Endpoint Security 10 Service Pack 2 for Windows үшін қолдау көрсетіледі) жалаушасы қойылған.
  
  Әдепкі бойынша, Осы санаттағы файлдар үшін MD5 есептеу (Kaspersky Endpoint Security 10 Service Pack 2 for Windows нұсқасынан бұрынғы нұсқалармен қолдау көрсетіледі) алынып тасталған.
- Қалтада өзгертулер бар-жоғын мәжбүрлеп сканерлеу
  
  Егер бұл параметр қосулы болса, бағдарлама санаттарды толықтыру қалтасында өзгертулердің бар-жоғын мезгіл-мезгіл мәжбүрлеп тексереді. Тексерудің сағат түріндегі мерзімділігін жалаушаның жанындағы енгізу өрісінде көрсетуге болады. Әдепкі бойынша, мәжбүрлеп тексеру кезеңі 24 сағатқа тең келеді.
  
  Осы параметр өшірулі болса, қалтаны мәжбүрлеп тексеру орындалмайды. Сервер қалтадағы файлдарды өзгерту, қосу немесе жою кезінде оларға жүгінеді.
  
  Әдепкі бойынша, параметр өшірулі.

Шебер аяқталғаннан кейін, бағдарламалар санаты құрылады. Ол бағдарлама санаттарының тізімінде пайда болады. Бағдарламаны басқару құрамдасын конфигурациялау үшін бағдарламалар санатын пайдалануға болады.

Бағдарламаларды бақылау туралы толық ақпарат алу үшін анықтаманың келесі бөлімдерін қараңыз:

Сондай-ақ, қараңыз:

Сценарий: Бағдарламаларды басқару

Басына оралу